---
title: "छत्तीसगढ़िया क्रान्ति सेना के कमाल! राज्य स्थापना दिवस म क्रिकेट प्रतियोगिता ले दिखिस समाज के एकता अउ भाईचारा"
url: "https://vandebharattv.com/chhttisgdhiya-kranti-sena-ke-kmal-rajy-sthapna-divs-m/"
language: "en-US"
updated: "2026-11-04T02:58:52+00:00"
---

# छत्तीसगढ़िया क्रान्ति सेना के कमाल! राज्य स्थापना दिवस म क्रिकेट प्रतियोगिता ले दिखिस समाज के एकता अउ भाईचारा

छत्तीसगढ़ महतारी के पावन सेवा अउ राज्य स्थापना दिवस के सुग्घर बेरा म छत्तीसगढ़िया क्रान्ति सेना (गैर-राजनीतिक संगठन) डहर ले कोरबा के शहीद वीर नारायण सिंह मैदान (हेलीपैड ग्राउंड) म एक दिवसीय भव्य क्रिकेट प्रतियोगिता के आयोजन करे गिस। ए ऐतिहासिक आयोजन म अलग-अलग समाज के टीम मन बढ़-चढ़ के हिस्सा लीन अउ खेल-कूद के माध्यम ले आपसी भाईचारा, सामाजिक समरसता अउ एकता के बहुत सुग्घर संदेश दीस।

​🏆 पटेल समाज अउ साहू समाज के बीच टक्सा टक्कर, पटेल समाज ह मारिस बाजी!
 पूरा प्रतियोगिता म रोमांच के कोई कमी नइ रिहिस। फाइनल मुकाबला साहू समाज अउ पटेल समाज के बीच बहुत रोमांचक ढंग ले खेलिस गिस। कड़ा संघर्ष अउ शानदार खेल के बाद पटेल समाज के टीम ह प्रथम स्थान हासिल करिस, अउ साहू समाज के टीम ह द्वितीय स्थान म रहके सबदरो मन के मन जीत लीस।
 अतिथि मन के गरिमामय उपस्थिति
 ​ए सुग्घर आयोजन म प्रदेश उपाध्यक्ष श्री उमागोपाल कुमार जी के विशेष उपस्थिति अउ सक्रिय सहभागिता ह आयोजन के शोभा ला अउ बढ़ा दिस। विजेता अउ उपविजेता टीम ल इनाम अउ शील्ड वितरण के बेरा म साहू समाज के जिला पदाधिकारी अउ छत्तीसगढ़िया क्रान्ति सेना के वीर सिपाही मन भारी संख्या म उपस्थित रिहिन।
 ​ए बड़े आयोजन म संगठन के ये दिग्गज पदाधिकारी मन प्रमुख रूप ले उपस्थित रहिन:
 ​श्री दिलीप मिरी जी (प्रदेश संयोजक)
 ​श्री अतुल दास जी (प्रदेश कार्यकारी अध्यक्ष)
 ​श्री उमागोपाल कुमार जी (प्रदेश उपाध्यक्ष)
 ​श्री देवेंद्र श्रीवास जी (प्रदेश सलाहकार)
 ​श्री सुनील मानिकपुरी जी (कानूनी सलाहकार)
 ​🎯 छत्तीसगढ़िया क्रान्ति सेना के सुग्घर संकल्प:
 ​”सिर्फ खेल नइ हवे, ये तभो छत्तीसगढ़िया मन ल एक कोइ माटी म जोड़े के माध्यम हे! समाज ला एकजुट करना, आपसी भाईचारा ला बढ़ाना अउ छत्तीसगढ़ के माटी, संस्कृति अउ मान-सम्मान ल ऊँचा उठाना— येही हमर असली मकसद हवे।”