హైదరాబాద్‌లో ‘భారత్ సదస్సు 2026’ అంతర్జాతీయ విధాన సమావేశం
తెలంగాణ ప్రభుత్వం ఆధ్వర్యంలో హైదరాబాద్‌ వేదికగా జరుగుతున్న ప్రతిష్టాత్మక అంతర్జాతీయ విధాన సదస్సు ‘భారత్ సదస్సు 2026’ ప్రారంభమైంది. ఇంటర్నేషనల్ కన్వెన్షన్ సెంటర్ (HICC)లో జరుగుతున్న ఈ కార్యక్రమం 13–14 నవంబర్ 2026 తేదీలలో రెండు రోజుల పాటు కొనసాగి ఈ రోజు ముగియనుంది. ముఖ్యమంత్రి ఎ. రేవంత్ రెడ్డి ప్రభుత్వం నిర్వహిస్తున్న ఈ ఉన్నత స్థాయి సదస్సుకు 70 కి పైగా దేశాల నుండి దాదాపు 1,000 మంది ప్రతినిధులు హాజరయ్యారని సమాచారం. గ్లోబల్ సౌత్, గ్లోబల్ నార్త్ దేశాల రాజకీయ నాయకులు, విధాన నిర్ణేతలకు ఇది ఒక ఉమ్మడి వేదికగా పేర్కొంటున్నారు. మొత్తం 12 కీలక సెషన్లతో సదస్సు సాగుతోంది. అందులో 9 సెషన్లు ‘తెలంగాణ రైజింగ్’ థీమ్‌తో నిర్వహించబోతున్నారు. రాష్ట్ర దీర్ఘకాలిక అభివృద్ధి, ఆర్టిఫిషియల్ ఇంటెలిజెన్స్ (AI), పారిశ్రామిక విధానాలపై వివిధ కోణాల్లో చర్చలు జరగనున్నాయి. ముగింపు సమావేశానికి ప్రతిపక్ష నాయకుడు రాహుల్ గాంధీ హాజరుకానున్నట్లు నిర్వాహక వర్గాలు తెలిపాయి. సదస్సు ద్వారా విధాన స్థాయిలో పెట్టుబడులు, ఆవిష్కరణలు, అభివృద్ధి దిశపై కీలక ప్రతిపాదనలు వెలువడే అవకాశం ఉందని పరిశీలకులు భావిస్తున్నారు.